La rezdóra l’ é preocupäda
gh’ é ròtt al rubinètt, la ca’ alagäda.

• Mo guärda! Al fontanär al n’ é vén mìga
  e dir che par pagär fagh mìga fadìga -.
  Arìva finalmént, vèrs il cuàt’r ór
  ‘n òmm distìnt, la bórsa cmé ‘n dotór.

In déz minùd al guäi l’ é riparè.

• Co’ gh’ vén? -. La dìz, coj sòld zà preparè.
• J’ én sìnch mìlla frànch -. Oh màma mìa!
  A gh’ é gnù cuäzi mäl, n’ é mìga bozìa.
• Sìnch mìlla franch? Eh che lavór!
  n’ ò gnànca paghè tant al mé dotór -.
• A crèd dabón, a crèd sénsa ch’ la giùra,
  cära la mé sjòra, la vìtta l’ é dùra.
  Cla guärda, mi són dotór e par guadagnär,
  a j’ ò decìz äd fär al fontanär -.

Poesia tratta da “Brìzi” di Dino Formentini (1975)